Kuɛ̈n ë Thuɔŋjäŋ 2008 Yic

October 22nd, 2007

Kuɛ̈n ë Thuɔŋjäŋ 2008 Yic

Agɛ̈ɛ̈t: Kuɔl Baak (Dupiöny ë Thuɔŋjäŋ Adelaide)

Tɛ̈n raan wïc kuɛ̈n ë Thuɔŋjäŋ 2008 Yic,

Ɣok aa bë laŋ/naŋ ɣööt ka diäk ruöön 2008 bɔ̈ yic. Ɣok aa bë laŋ/naŋ:

1. Ɣön kɔɔc göl (kuat raan - raan ŋuɛ̈ɛ̈n tɛ̈dä ke manh këc ɣön ë bɛ̈t dööt - a lëu bë ye rin gät piny ye ɣön kën yic)

2. Ɣön kɔɔc loi Stage 1 (Tɛ̈n mïth panpiööc tɔ̈u ɣön 8, 9 ku 10)

3. Ɣön kɔɔc loi Stage 2 (Tɛ̈n mïth panpiööc tɔ̈u ɣön 11 ku 12)

Ɣööt kä aa tɔ̈u rin Panpiööc ë Thok, Cam ë Ɣothralia (School of Languages, South Australia). Keya, ka raan ŋuɛ̈ɛ̈n a ye panpiööc cɔɔl $120 ruöön yic. Mïth tɔ̈u ɣön 8 ɣet ɣön 12 aa ye cɔɔl $60 ruöön yic. Wëëu mïth tɔ̈u panpiööc koor wälä panpiööc ŋuɛ̈ɛ̈n aa ye panpiööc deen ye kek la thïn cuat piny rin ye panpiööc deen aköl keek cɔɔl wëëu wënthɛɛr. Ka yeen kën wëëu a cï lëu bë manh leŋ puöu kuɛ̈n ë Thuɔŋjäŋ pëën. Kɔɔc ŋuɛ̈ɛ̈n kek aa wɛ̈ɛ̈u ken cuat piny jɛp/bɔndɔɔk ken yiic. Na ye raan ŋuɛ̈ɛ̈n riöc $120, ka lëu bë ye thok tuööm kek Panpiööc ë Thok bë tïŋ lɔn leŋ yen tɛ̈ lëu bë kuöny yeen rin be dhiɛl kuen Thuɔŋjäŋ. Kuɛ̈n ë Thuɔŋjäŋ ee kë ril tɛ̈n kɔɔc ŋuɛ̈ɛ̈n rin kɔɔc ŋuɛ̈ɛ̈n kek aa mïth jääm bɛ̈y yiic.

Manha, na nhiar Thuɔŋjäŋ ka yï gɛ̈t yï rin piny kuat ɣön tööŋ ca tak kɛm ɣööt wën ca kuɛɛn piny nhial ka diäk.

A yeen apath, ɣok aa bë yök lä ruöön tui tɛ̈ leŋ yïn puöu kuɛ̈n ë Thuɔŋjäŋ.

Kuɔl Baak

Dupiööc

255 Torrens Road

WEST CROYDON SA 5008

Tel: 8301 4800 
Fax: 8301 4801 
Email: william.baak@schooloflanguages.sa.edu.au
Web: www.schooloflanguages.sa.edu.au
 

Posted in Thokcëpiŋ | Trackback | del.icio.us | Top Of Page

7 Responses to “Kuɛ̈n ë Thuɔŋjäŋ 2008 Yic”

  1. kom Says:
    October 26th, 2008 at 4:25 am

    we have wrote our languageɛ

  2. kom Says:
    October 26th, 2008 at 4:39 am

    bainjiɛŋ abuothen regaŋaŋɛ kageŋuo bue teu
    viɛnte bian ŋuo guon due karth obinbinjijɛ

  3. kom Says:
    October 26th, 2008 at 4:42 am

    baiŋuo el mama aben hout teu kinit

  4. kom Says:
    October 26th, 2008 at 4:54 am

    akeuɛ ɛkin enena abein enkenɛle a beibien
    wau deuk kuoŋua aɣaɛen viviaɛ wɛev

  5. kuol baak Says:
    February 16th, 2009 at 12:53 pm

    Ye thoŋ nɛn kë yïn gät Kom? A cïn kë ca deet wël kuun ca kaŋ gɔ̈t tueŋ yiic ku jɔl bɛ̈n thëk cök lä “we have wrote our languageɛ”

  6. arou deng arou Says:
    February 25th, 2009 at 10:01 pm

    ee ke piɛth aretic be thuɔngjag ya pioc ne piny kɔk yic ya ce man ciɛn ne kuɔl baak ye gɔl ne ɣothralia

    alɛɛc diit aretic

  7. kuol baak Says:
    February 26th, 2009 at 5:01 pm

    Tɛ̈ de kan kënë Arou Jɔl lɛ̈k kɔɔc kɔ̈k kuc yeen ku ɣok aa bë jal ya röm atɛ̈n Kuɔl Baak

Leave a Reply