Col Muɔɔŋ Aköt
June 11th, 2007Agɛ̈ɛ̈t: Kuɔl Baak
Anyëköl Col Muɔɔŋ a kïn. A cë path bë raan rac puöu. Ee kën gät bë kɔc piɔ̈c kä thik nyɔt alɔŋ Coldït ku gɛ̈ɛ̈t kɔc nyïn. Lɔ tueŋ, kuen.
Col Muɔɔŋ Aköt
Coldït a ce raan anyëkööl path. Yeen ee raan ka cë pïr panjäŋ ku dhiëëth kac ke. Mïth keen kɔ̈k aa pïr emën (mïth ë mïth ë miëth ke?).
Yeen ee ka ye raan Paceny Awan. Ku ee ka ye raan leŋ puöu apɛi. Coldït ee nhiar wëët ë kɔc. Ee ye kɔc lɛ̈k kä kony keek. Kekädäŋ, Jëëŋ da aa man kë pɛɛth lueel raan dä. Kë pɛɛth lueel raan dä, tɛ̈dä ke kë looi, a nhiɛɛr Jëëŋ bë daŋ yic. Wën Col Muɔɔŋ a cë lök a wec wäär alä: Col Muɔɔŋ Aköt a ye raan wëët jäŋ, ku lök jäŋ a cɔl ye kook ee, thäi a muön ke raan luel yith. Kä reen ke cï Col Muɔɔŋ Aköt kɔc wɛ̈ɛ̈t aa kïk:
1. Ee cï Coldït lɛ̈k gal den Paceny alä: mïïth aa ŋuɔt ke bë kɔc dak. Ka week thän da, päl ku miir dïït bɛ̈ɛ̈r thɛ̈k ku ye miir-ku-dhöc thiin thöŋ ke gɔt, yen ye ku theek. Go Paceny jai ku lëkkä Coldït kook.
2. Ee cï Coldït bɛn lɛ̈k Jëëŋ ebën alä: mïïth a ce tet yiic apɛi. Na ye käm cë raan näk ka päl bïk la yɛ̈ɛ̈c. Bë kɔ̈m yiën daai ku pïŋ kɔ̈m nin. Go Jëëŋ jai ku lek tueŋ kek tëttët mïïth yiic. Yen kë ye juäl riɛp wër Jëëŋ yiic ku a ce riɛp wër Japan yiic. Na Coldït cë piŋ thok, ŋuöt kɔɔc panjäŋ a cït kɔɔc Japan emën.
3. Coldït ee ya Anyaŋ tiɛŋ de cɔl a dhuk pan den, tɛ̈ cï käŋ thook rïc bei, ku jɔl bɛn lök bɛ̈n ke ye raan thut tɛ̈ mën deen wäär gɔl kek määth kek Anyaŋ. Go bɛ̈n wel lä ke thät yen këc Anyaŋ bɛn thal apath ku päl kë yen mänh deen bï kek baai mac yen cök piny. Ŋö jɔl kɔc Coldït dool nhom ke ya? Le tueŋ.
4. A cï Bïcop Jothep Gäthï lueel alä Col Muɔɔŋ Aköt ee ye raan dɔ̈ɔ̈r. A cë lueel alä Coldït ee cë kɔc dɔk tɔŋ ku lueel alä kɔc aa ce röt näk piny path. Go kɔc jaai. Go la ku ruk buɔŋ tiɛŋ de ku jël bë la ɣɔ̈l rap. Na le kɔɔc atɛr den gut nhom doŋ nhom, ka thiëc go lueel alä ke tik. Go thiëëc alä: na ayuäk dɛ̈t tɔ̈u yï thok? Go bɛ̈ɛ̈r alä: diäär aa ceŋ ayuäk aya. Go kɔɔc atɛr den buɔɔŋ kat nhial wai ku luit kam ɣɔ̈ɔ̈m. Go malöl yök nɔ̈ɔ̈k. Go thiëëc alä: na dɛ̈t? Go Coldït bɛ̈ɛ̈r: tiëŋ dië kan kënë!!!! A cä ŋic tɛ̈ deen le yen bɛ̈n thïn. Go kɔɔc atɛr den nyäŋ piny rin yen raan cïn puöu tɔŋ.
Kä cï Col Muɔɔŋ Aköt them bë ke kuɔ̈ny Jëëŋ aa juëc. Kekädäŋ yen cïn yen raan cë ke piŋ.
A cïn raan bë nyin Col Muɔɔŋ Aköt kaŋ löök yic panjäŋ.
November 10th, 2007 at 1:29 am
Great website Kuol Baak!! I feel that our language is existing not only back home, but in Australia where you teach it. Keep it up buddy and make it known to those who forgot it particularly the children and some adults that were raise in Khartoum.
Cheer!
Garang Manyang
December 1st, 2008 at 1:14 pm
Gäräŋ Lual Manyaŋ,
Alɛɛc tɛ̈n yïïn rin wël kuun path ca lueel. A ŋääth aya lɔn leŋ yen raan bë gän ë Thuɔŋjäŋ kuɔny nhial baai alaŋ dun, Amerika. Gän ë Thuɔŋjäŋ yen bë Thuɔŋjäŋ cɔl a pïr ku ril rin cï guɛl ë thok kɔ̈k rot juak Panjäŋ ku ɣɔ̈n kɔ̈k cï Jëëŋ wer thïn.
Kuɔl